個名唔係亂改㗎 — Circle of Life 到底係點嚟？

講真，當初諗住搞 Circle of Life 嘅時候，第一件事諗嘅唔係產品，而係個名。我同我嘅表妹一齊諗，前後諗咗幾十個，冇一個滿意。直到她提出「Circle of Life」— 我嗰刻停咗落嚟諗：人生究竟係咩？入面又包括咗啲咩？

最後我揀咗呢個名，因為我發現，人生嘅經歷好多時都係一個圓圈。好多嘢會重複，好多嘢兜兜轉轉又會返返嚟原點。

所以你睇我哋個 Logo — 佢係人類身體嘅一部份，好似指紋，連連相扣；甚至有啲似幾何學中巧妙嘅線條連結，好似一切都係冥冥之中編排好咁。

冥冥之中的不謀而合 好笑嘅係，兩年幾前，我接觸到脈診儀。它的原理很科學：利用光學原理，你只要擺隻手指喺 Device 上面，系統就會透過大數據，即時量度你當刻身體嘅微細變化。就係咁橋 — 這個量度動作，同我哋當初設計嘅 Logo 不謀而合。

一切，好似一早註定咁。 一道不可忽視的數學題

老實講，呢個產品唔係每個人都能夠即刻接受。

好多人第一反應會話：「吓，噉我不如直接睇中醫師或者睇醫生？」

我完全明白。但我想同你計一條數：

1. 醫療人手嚴重失衡：香港有 750 萬人，但專業醫師同醫生加埋唔夠 3 萬個。即係比例大約是 1 : 250 — 一個醫生要應付 250 個人。

2. 人口老化海嘯式襲來：政府數據預計，2030–2035 年香港 65 歲以上長者將達到 230 萬人，佔總人口接近三成。

3. 全球面臨同一困境：全球 65 歲以上人口將在 2035 年增加到 10.1 億。即係話，每 7 個人入面就有 1 個係長者。

這代表了什麼？

將來隨時唔係你想睇醫生就即刻有得睇嘅問題 — 而是到時醫療資源極度緊絀，你可能要負擔高昂的醫療費用，要排隊排到天荒地老，又或者到時面對嘅只會係冷冰冰嘅醫療機械人。

我媽媽曾經喺閒談中講過一句話，我到今日都深深記住：

「如果個女 90 歲，點樣照顧一個 120 歲嘅媽媽？」

你明唔明？就算你幾孝順、幾想照顧屋企人，如果你連自己嘅健康都搞唔掂，你又憑咩去照顧人？ 由貪靚、怕老，到學懂養生

其實我由細到大都好貪靚，而且好怕老。

我記得讀幼稚園嗰陣已經有黑眼圈，老師見到都會問我屋企人：「點解佢夜晚唔瞓覺？眼圈咁大嘅？」

到中學，有次早會題目係「你怕變老嗎？」。嗰陣時我覺得，變老係人生必經階段，有咩好怕？

直到有同學問我：「大個咗返工有錢，你會唔會去割眼袋？」

坦白講，大個咗我真係去諮詢過醫生。但我天生怕痛，所以到最後都冇做到。

以前工作時間好長。朝早 9:30 開工，做到夜晚 9 點、10 點，有時甚至 11 點都未走得。30歲嗰陣時後生為咗減壓，每逢星期五、六我都會去蒲，玩到天光。我慶幸我試過呢種生活 — 總算經歷過、無悔過。嗰陣時後生，瞓返成個星期日就以為可以補得返（雖然事實上係補唔返嘅）。到而家去到咁上下嘅年紀，身體就會報仇，瞓少一陣，第二日都唔夠精神。

因為我真係怕老成日都精神咁，所以成日諗點樣可以 Keep 住狀態。

我個人好怕入侵性嘅醫美，平時只會一個月做一次傳統人手按摩 Facial。雖然而家去到某個年紀、無辦法之下都要做下醫美機器，但我深深體會到：只有每日嘅日常保養，先可以令狀態維持得最耐。 365 日的「健康安全感」

我發現而家好多後生仔女其實好識養生：做運動、食得好、睇好多 Wellness 資訊。但我不停問自己一個問題：

我們經常說 Wellness，但點樣可以清楚知道，自己當刻最需要做啲咩？

答案好簡單，得一個字：Awareness. 身體檢查，一年先做一次。但中間嗰 364 日呢？

我們推出融合中醫智慧嘅智能手錶，並不是要用嚟代替專業中醫師或者醫生嘅診斷。相反，它是給你一個日常參考。

讓你每日都可以為自己「打一次平安脈」，你就能夠即時注意飲食、調整生活作息。一有唔妥，即時處理，唔使等到身體大件事先嚟後悔。

呢個就係我哋想做嘅嘢。

我們從來不是要取代醫療專業，而是幫你在需要找醫生之前，先學懂聽下自己身體嘅說話。 相由心生：真正的靚，是由內到外

Circle of Life 個名，真係唔係亂改。

因為人生係一個圓圈。你今日點樣對待自己嘅身體，將來這些因果就會點樣返嚟你身上。

我以前做嘢壓力大，無時間休息，覺得冇嘢 — 結果而家那些透支全部都返晒嚟我身上。

好多人追求外在嘅美麗，但我漸漸明白到，要靚，其實係要由內靚到外，正述所謂「相由心生」。當你內部嘅身體系統調理得好、當你對自己有足夠嘅健康覺察（Awareness），你嘅氣色同狀態自然會由心而發咁散發出嚟。

所以我而家選擇每日好好對待自己。 你呢？

https://video.wixstatic.com/video/c65bd8_f6a3698f90bf49dfa217d3a0b232a079/480p/mp4/file.mp4

Janice

Founder, Circle of Life ✒️ 關於 Founder

曾任職於 MNC 4A 廣告媒體集團、數碼港孵化計劃下的醫療配對初創企業（Cyberport Incubation Program Healthcare Matching Tech Startup），以及全球知名的人道醫療 NGO。

在那些高強度、沒日沒夜嘅工作環境中，我深感裝備自己嘅重要性。我先後專攻 Business Management (商業管理) 與 Digital and Social Media Marketing 專業領域，其後進一步深造並獲得 GMBA (全球企業管理碩士) 學位，主修創業與創新 (Entrepreneurship and Innovation)。除咗獲頒英國特許管理學會的 Chartered Manager / FCMI 認證，現時更擔任其 Co-opted Board Member。

在商業、科技初創與國際人道醫療組織打滾多年，我一邊親眼目睹全球醫療資源短缺對人類帶來嘅衝擊，一邊深刻體會到大數據與數碼科技能如何改變世界。正是這段獨特嘅背景，驅使我將科技、醫療配對經驗與日常養生相結合，創辦了 Circle of Life — 期望用最便利、最生活化嘅科技，喚醒每個人對自身健康嘅 Awareness，因為我深信，每個人都擁有由內而外活出美麗、健康生活嘅權利。